చీఫ్ విప్ దాస్యం వినయ్ భాస్కర్ ను సన్మానించిన మంత్రి ఎర్రబెల్లి దయాకర్ రావు

హైదరాబాద్ : తెలంగాణ రాష్ట్ర ప్రభుత్వ చీఫ్ విప్ దాస్యం వినయ్ భాస్కర్
పుట్టినరోజు సందర్భంగా రాష్ట్ర పంచాయతీరాజ్, గ్రామీణ అభివృద్ధి , గ్రామీణ
నీటి సరఫరా శాఖల మంత్రి ఎర్రబెల్లి దయాకర్ రావు జన్మదిన శుభాకాంక్షలు తెలిపి,
శాలువా కప్పి సన్మానించారు. ఇలాంటి జన్మదినోత్సవాలు మరెన్నో జరుపుకోవాలని
ఆకాంక్షించారు. మంత్రితోపాటు జనగామ జడ్పీ చైర్మన్ పాగాల సంపత్ రెడ్డి, పరకాల
ఎమ్మెల్యే చల్లా ధర్మారెడ్డి కూడా వినయ్ భాస్కర్ కి జన్మదిన శుభాకాంక్షలు
తెలిపారు. పాలకుర్తి నియోజకవర్గం, తోరూర్ మండలం, గుర్తూరు గ్రామానికి చెందిన
8వ వార్డు మెంబర్ వి.సంపత్, 9వ వార్డు మెంబర్ వి. రమేష్,10వ వార్డు మెంబర్ బి.
రమేష్ లు మంత్రి సమక్షంలో టిఆర్ఎస్ పార్టీలో చేరారు. మంత్రి వారికి కండువాలు
కప్పి పార్టీలోకి ఆహ్వానించారు.