పదవీ భాద్యతలు స్వీకరించిన మంత్రి పొన్నం ప్రభాకర్‌

హైదరాబాద్ : డా.బీఆర్ అంబేద్కర్ సచివాలయంలో వేదపండితుల మంత్రో చ్చారణల మధ్య
రవాణా, బీసీ సంక్షేమ శాఖల మంత్రి పొన్నం ప్రభాకర్‌ బాధ్యతలు స్వీకరించారు.
మంత్రిగా బాధ్యతలు స్వీకరించిన తర్వాత ఆయన ఆర్టీసీ, రవాణా శాఖకు సంబంధించిన 3
ఫైళ్లపై సంతకం చేశారు. 2023-24 ఆర్థిక సంవత్సరం 3వ త్రైమాసికానికి
బస్‌పాస్‌లకు రాయితీల ఖర్చు రీయింబర్స్‌మెంట్ కోసం 212.50 కోట్లను విడుదల
చేస్తూ ఒక ఫైలుపై, 2023-24 ఆర్థిక సంవత్సరం 3వ త్రైమాసికానికి గాను 162.50
కోట్ల రూపాయలను విడుదల చేస్తూ మరొక
ఫైలుపై, ఎల్ రాజ్య లక్ష్మి, W/o దివంగత ఎల్ పాండు బాబు, హెడ్ ట్రాన్స్‌పోర్ట్
కానిస్టేబుల్‌కి ఒక లక్ష రూపాయలు మెడికల్ క్లెయిమ్‌ మంజూరు చేస్తు మూడవ ఫైల్
సంతకం చేశారు. ఈ సందర్భంగా మంత్రులు తుమ్మల నాగేశ్వరరావు, జూపల్లి కృష్ణారావు,
ఎమ్మెల్యేలు వివేక్, ఆది శ్రీనివాస్, ఎమ్మెల్సీ జీవన్ రెడ్డి, ముఖ్య
కార్యదర్శులు బుర్రా వెంకటేశం, వాణీప్రసాద్‌, టీఎస్‌ఆర్‌టీసీ ఎండీ సజ్జనార్‌
తదితరులు అభినందించారు.