హైదరాబాద్, డిసెంబర్ 13 : ముప్పై మంది ఆఫ్రికన్ జర్నలిస్టుల బృందం రెండు రోజుల పాటు హైదరాబాద్ నగరంలో పర్యటించనున్నారు. భారత దేశంలో వివిధ రంగాలలో జరుగుతున్న అభివృద్ధిని తెలుసుకొనేందుకు వీరు భారత దేశ పర్యటన చేపట్టారు. అందులో భాగంగా బుధవారం హైదరాబాద్ నగరానికి చేరుకున్నారు. రెండు రోజుల పాటు వీరు నగరంలోని వివిధ ప్రాంతాలలో పర్యటనించనున్నారు. 14వ తేదీన భారత్ బయోటెక్ ను సందర్శించిన అనంతరం టి-హబ్, శిల్పారామంలను సందర్శిస్తారు. 15వ తేదీన యూనివర్సిటీ ఆఫ్ హైదరాబాద్, రామోజీ ఫిల్మ్ సిటీ సందర్శించి 16వ తేదీ తిరుగు ప్రయాణం అవుతారు.
