హైదరాబాద్‌ : అనారోగ్యంతో కన్నుమూసిన ప్రముఖ నటుడు చంద్రమోహన్‌ అంత్యక్రియలు ముగిశాయి. తొలుత ఫిల్మ్‌నగర్‌లోని ఆయన నివాసం నుంచి అంతిమయాత్ర ప్రారంభమైంది. కుటుంబసభ్యులు, పలువురు సినీ ప్రముఖులు చంద్రమోహన్‌కు కడసారి వీడ్కోలు పలికారు. అనంతరం పంజాగుట్టలోని శ్మశాన వాటికలో అంత్యక్రియలు జరిగాయి. చంద్రమోహన్‌ సోదరుడు మల్లంపల్లి దుర్గాప్రసాద్‌ అంతిమ సంస్కారాలు నిర్వహించారు. అంతిమయాత్రకు ముందు పలువురు సినీ ప్రముఖులు చంద్రమోహన్‌కు నివాళులర్పించారు. నటులు వెంకటేశ్, రాజశేఖర్‌, జీవిత, నిర్మాత ఆదిశేషగిరిరావు, మాదాల రవి తదితరులు ఆయన భౌతికకాయం వద్ద అంజలి ఘటించారు.
