ప్రజల మధ్య వైషమ్యాలు, యువతలో భావోద్వేగాలు రెచ్చగొట్టే నీచ రాజకీయాలకు
స్వస్తి పలకాలి
దేశ సంపదంతా బీజేపీ మోడీ తన కార్పొరేట్ మిత్రులకు దోచిపెడుతున్నడు
ప్రశ్నిస్తున్న వారి మీద అక్రమ కేసులు పెడుతున్నారు
ఈడి కేసు అంటేనే నేడు ఓ జోక్ అయిపోయింది
సీబీఐ,ఈడి,ఐటి లాంటి దర్యాప్తు సంస్థలను తమ స్వార్థానికి దుర్వినియోగం
చేస్తున్నారు
రాష్ట్రాల ముఖ్యమంత్రులను పని చేసుకోనివ్వకుండా దర్యాప్తు సంస్థలను
ఉసిగొల్పుతున్నారు
దేశం మొత్తాన్ని దోచుకుంటున్నది బీజేపీ. అసలు ఈ.డి కేసులు పెట్టాల్సింది
బీజేపీ మీదనే
కర్ణాటకలో ప్రజలు మత రాజకీయాలను తిప్పి కొట్టారు
దేశంలో ప్రధాని మోడీ వల్ల ఏ ఒక్క వర్గానికి మేలు జరగలేదు..ధరలు పెంచి
సామాన్యుల జీవనం భారం చేశాడు
బీజేపీ నీచ రాజకీయాలు,దేశ సంపదను దోచుకుంటున్న తీరుపై గ్రామాల్లో,ప్రతి ఇంట్లో
చర్చ జరగాలి
కేసిఆర్ తోనే సమగ్రాభివృద్ధి సాధ్యం
దేశానికి,రాష్ట్రానికి కేసిఆర్ నాయకత్వమే శ్రీరామ రక్ష
బిఆర్ఎస్ లో చేరికల సందర్బంగా మంత్రి వేముల ప్రశాంత్ రెడ్డి
హైదరాబాద్ : బాల్కొండ నియోజకవర్గం భీంగల్ మండలం భీంగల్,బడా భీంగల్, చేంగల్,
ముచ్కూర్, బాబాపూర్, గొన్గొప్పల గ్రామాల నుండి బిజెపి,కాంగ్రెస్ పార్టీలకు
చెందిన సుమారు 200 మంది యువకులు ముఖ్యమంత్రి కేసిఆర్ జనరంజక పాలనకు
ఆకర్షితులై రాష్ట్ర రోడ్లు భవనాలు శాఖ మంత్రి వేముల ప్రశాంత్ రెడ్డి సమక్షంలో
బిఆర్ఎస్ పార్టీలో చేరారు. వారికి గులాబీ కండువా కప్పి పార్టీలోకి మంత్రి
సాదరంగా ఆహ్వానించారు. అభివృద్దే వైపే ఉంటామని నిర్ణయం తీసుకొని పెద్ద ఎత్తున
బిఆర్ఎస్ లో చేరిన యువత నిర్ణయం పట్ల మంత్రి హర్షం వ్యక్తం చేశారు. ఈ
సందర్బంగా ఏర్పాటు చేసిన సమావేశంలో మంత్రి మాట్లాడారు. కేసిఆర్, కెటిఆర్
నాయకత్వాన్ని బలపరుస్తూ బిఆర్ఎస్ పార్టీలో చేరిన యువతకు హృదయ పూర్వక స్వాగతం.
పార్టీలో చేరిక కోసం వచ్చిన వారంతా ఏదో ప్రచార ఆర్భాటం కోసం రాలేదని స్పష్టంగా
కనిపిస్తుందని,పార్టీ నిర్మాణం కోసమే వచ్చారని, ఇట్లాంటి మార్పు యువతలో
చూస్తుంటే ఎంతో సంతోషంగా ఉందన్నారు. అబద్దం ఎక్కువ రోజులు నిలబడదనీ,నీళ్లను
చూపెట్టి పాలు అని నమ్మించలేమని బీజేపీ తీరును ఎండగట్టారు.
యువతను బీజేపీ దేశం కోసం అంటూ తప్పు దోవ పట్టిస్తూ అసత్యాలు ప్రచారం చేయిస్తూ
ఓ భ్రమలోకి నెట్టారనీ కానీ యువతకు అన్ని విషయాలు మెళ్ళమెల్లగా అర్దం
అవుతున్నాయని,యువత ఆలోచనలోనే మార్పు మొదలైందని అన్నారు. యువత ఆలోచనలో భవిష్యత్
భారతానికి మంచిదన్నారు. ప్రజల మధ్య వైషమ్యాలు, యువతలో భావోద్వేగాలు
రెచ్చగొట్టే నీచ రాజకీయాలు చేస్తున్న బిజెపికి స్వస్తి పలకాలన్నారు. లేకుంటే
బీజేపీ వైఖరి వల్ల దేశ సమగ్రతకే పెనుముప్పు వాటిల్లనుందని ఆవేదన
వ్యక్తంచేశారు. దేశ సంపదంతా బీజేపీ మోడీ తన కార్పొరేట్ మిత్రులకు
దోచిపెడుతున్నడని ఆగ్రహం వ్యక్తం చేశారు. మోడీ దోస్త్ అదానికి దేశ ఆస్తులన్నీ
చట్టాలను తుంగలో తొక్కిమరీ అప్పనంగా కట్టబెట్టారని ఆగ్రహం వ్యక్తం చేశారు.
ఎల్ఐసి, ఎస్బిఐ అదానీ కంపెనీలో పెట్టుబడులు పెట్టించి ప్రజల సొమ్మును ఆవిరి
చేశారని మండిపడ్డారు. ఎయిర్ పోర్ట్స్ ఒక ప్రైవేట్ సంస్థకు 2 చొప్పున మాత్రమే
ఇవ్వాలని ఆర్డర్స్ ఉంటే అదానీ కంపెనీకి 6 ఎయిర్ పోర్ట్స్
కట్టబెట్టారని,అక్రమంగా ఓడ రేవులు,రైల్వే స్టేషన్లు,అన్ని ప్రభుత్వ సంస్థలు
దారాదత్తం చేస్తున్నారని ధ్వజమెత్తారు. 2జి వేలంలో అవినీతి జరిగిందని గుజరాత్
ముఖ్యమంత్రి గా ఉన్నప్పుడు ఆరోపించిన మోడీ 5జి విషయంలో 15 లక్షల కోట్ల మేర
అవినీతి జరిగితే ఎందుకు స్పందంచడం లేదని ప్రశ్నించారు. మోడీ దోస్త్ ల
కంపెనీలకు 5జి స్పెక్ట్రం అప్పనంగా కట్టబెట్టారని అన్నారు. దేశంలో 150 ఏండ్లకు
సరిపడా బొగ్గు నిల్వలు ఉండగా, ఇక్కడి బొగ్గు టన్నుకు 3నుంచి 5వేలకు వస్తుందని
కానీ
ఆస్ట్రేలియాలో అదానీ బొగ్గు గని నుండి సుమారు 3లక్షల కోట్ల బొగ్గు భారత
దేశానికి దిగుమతి చేస్తున్నారని మండిపడ్డారు. అది 30వేలకు టన్ను కొనాలని
విద్యుత్ డిస్కంలకు ఆర్డర్ వేశారని దుయ్యబట్టారు. ఇట్లా ప్రశ్నిస్తున్న వారి
మీద అక్రమ కేసులు పెడుతున్నారని,ఈడి కేసు అంటేనే నేడు ఓ పెద్ద జోక్
అయిపోయిందని అన్నారు. సీబీఐ,ఈడి,ఐటి లాంటి దర్యాప్తు సంస్థలను తమ స్వార్థానికి
దుర్వినియోగం చేస్తున్నారనీ,రాష్ట్రాల ముఖ్యమంత్రులను పని చేసుకోనివ్వకుండా
దర్యాప్తు సంస్థలను ఉసిగొల్పుతున్నారని మండిపడ్డారు. ఈ.డి కేసులు పెడుతున్నారు
కానీ ఒక్క కేసులో కూడా నేరం రుజువు చేయలేకపోతున్నారని ఆరోపించారు. ఎమ్మెల్సీ
కవితమ్మ మీద కూడా అట్లాంటి ఆరోపణలే చేస్తున్నారని గుర్తు చేశారు. అసలు దేశం
మొత్తాన్ని అన్ని రంగాల్లో దోచుకుంటున్న బీజేపీ పై ఈ.డి కేసులు పెట్టాలని,
ఈ.డి,సిబిఐ విచారణ జరిపి మోడీ,అమిత్ షా తమ సచ్చీలత నిరూపించుకోవాలని మంత్రి
వేముల డిమాండ్ చేశారు. కర్ణాటకలో ప్రజలు మత రాజకీయాలను తిప్పి
కొట్టారని,దేశంలో ప్రధాని మోడీ వల్ల ఏ ఒక్క వర్గానికి మేలు జరగలేదని, అన్ని
రకాల ధరలు పెంచి సామాన్యుల జీవనం భారం చేశాడని అన్నారు. బీజేపీ నీచ
రాజకీయాలు,దేశ సంపదను దోచుకుంటున్న తీరుపై గ్రామాల్లో ప్రతి ఇంట్లో, యువత,
స్నేహితులతో విస్తృత చర్చ జరగాలన్నారు. రాష్ట్రంలో బీజేపీ, కాంగ్రెస్ నేతలు
అకాల వర్షాలు పడి రైతుల నష్ట పోవాలని,నష్ట పోయిన రైతుల వద్దకు పోయి మొసలి
కన్నీరు కార్చాలని కోరుకుంటున్నారని అన్నారు. తడిసిన ధాన్యాన్ని కొనే బాధ్యత
ప్రధాని మోడీకి లేదా అని నిలదీశారు. కేంద్ర బీజేపీ తమ బాధ్యతను విస్మరించినా
రాష్ట్రంలో కేసిఆర్ రైతులకు భరోసా కల్పించారని అన్నారు.
కేసిఆర్ తోనే సమగ్రాభివృద్ధి సాధ్యం
రాష్ట్రంలో,దేశంలో కేసిఆర్ తోనే సమగ్రాభివృద్ధి సాధ్యమని మంత్రి వేముల స్పష్టం
చేశారు. నేడు తెలంగాణ అభివృద్ది మోడల్ దేశానికి దిక్సూచిగా మారిందన్నారు.
అభివృద్ది చెందిన గ్రామాలు ఎక్కడ అంటే తెలంగాణ వైపు చూస్తున్నారని, కేంద్రమే ఆ
అవార్డులు ఇస్తుందని గుర్తు చేశారు. తలసరి ఆదాయం, తలసరి విద్యుత్ వినియోగం,
సంక్షేమంలో తెలంగాణ నెంబర్ వన్ అని పేర్కొన్నారు. భారతదేశానికి, రాష్ట్రానికి
కేసిఆర్ నాయకత్వమే శ్రీరామ రక్ష అని మంత్రి వేముల పునరుద్ఘాటించారు.
