గౌడ హాస్టల్ నూతన భవన ప్రారంభోత్సవ కార్యక్రమంలో పాల్గొన్న గృహ నిర్మాణ శాఖ మంత్రి జోగి రమేష్

హైదరాబాద్ : తెలంగాణ రాష్ట్రం రంగారెడ్డి జిల్లా ఉప్పల్ మున్సిపల్ పరిధిలోని
నాగోల్ లో నూతనంగా నిర్మాణం పూర్తి చేసుకున్న గౌడ హాస్టల్ భవన ప్రారంభోత్సవ
కార్యక్రమంలో ఆంధ్ర ప్రదేశ్ గృహ నిర్మాణ శాఖ మంత్రి జోగి రమేష్ పాల్గొన్నారు.
పెద్ద సంఖ్యలో విచ్చేసిన గౌడ సంఘ ప్రతినిధులను ఉద్దేశించి రాష్ట్ర గృహ
నిర్మాణశాఖ మంత్రి జోగి రమేష్ ప్రసంగించారు. ఈ ప్రారంభోత్సవ కార్యక్రమానికి
విచ్చేసిన ఆంధ్ర ప్రదేశ్ రాష్ట్ర గృహ నిర్మాణ శాఖ మంత్రి జోగి రమేష్ ని
నిర్వాహకులు మేళతాళాలతో పూల వర్షం మధ్య ఘనంగా సన్మానించి జ్ఞాపిక బహుకరించి
తలపాగా చుట్టి తమ అభిమానాన్ని చాటుకున్నారు. తెలంగాణ రాష్ట్ర మంత్రులు
పద్మారావు గౌడ్, డాక్టర్ వి. శ్రీనివాస్ గౌడ్, కౌన్సిల్ చైర్మన్ స్వామి గౌడ్
కూడా పాల్గొన్న ఈ కార్యక్రమంలో రాజమండ్రి ఎంపీ మార్గాని భరత్ ప్రముఖ సినీ
నటులు సుమన్, గౌడ సంఘ ప్రముఖులు, నాయకులు, ఉన్నతాధికారులు పెద్ద సంఖ్యలో
పాల్గొన్నారు.