సీనియర్ పువ్వాడ ను పరామర్శించిన మంత్రి కేటిఆర్

హైదరాబాద్ : గత రెండు వారాలుగా అస్వస్థతకు గురై హైదరాబాద్ కిమ్స్ ఆసుపత్రిలో
చికిత్స పొందుతున్న సీపీఐ జాతీయ నాయకులు, మంత్రి పువ్వాడ అజయ్ కుమార్ తండ్రి
పువ్వాడ నాగేశ్వర రావుని ఐటి, పురపాలక శాఖ మంత్రి కేటిఅర్ మంగళవారం
పరామర్శించారు. త్వరగా కోలుకోవాలని ఆకాంక్షించారు. మంత్రి కెటిఆర్ గారిని చూసి
సీనియర్ పువ్వాడ గారు భావోద్వేగానికి లోనయ్యారు. అనంతరం పువ్వాడ నాగేశ్వరరావు
గారి అరోగ్య పరిస్థితిపై వైద్యులను వివరాలు అడిగి తెలుసుకున్నారు. వారికి
అందిస్తున్న చికిత్స వివరాలను మంత్రి కేటిఆర్ కి వైద్యులు క్షుణ్ణంగా
వివరించారు. మంత్రి కేటిఆర్ వెంట గిరిజన సంక్షేమ శాఖ మంత్రి సత్యవతి రాథోడ్
ఉన్నారు.