వన్డేల్లో డబుల్ సెంచరీ చేసిన ఎనిమిదో బ్యాట్స్‌మన్‌గా శుభ్‌మన్ గిల్..

వన్డేల్లో డబుల్ సెంచరీ చేసిన ఎనిమిదో బ్యాటర్‌గా శుభ్‌మన్ గిల్ ఎలైట్
లిస్ట్‌లోకి ప్రవేశించాడు. హైదరాబాద్‌లో న్యూజిలాండ్‌పై 208 పరుగులు చేశాడు.
గిల్ 52 బంతుల్లో తన మొదటి 50 పరుగులతో తన ఇన్నింగ్స్‌ను అద్భుతంగా పెంచాడు.
అతను కేవలం 35 బంతుల్లో 50 నుంచి 100కి, మళ్లీ కేవలం 35 బంతుల్లో 100
నుంచి150కి చేరుకున్నాడు. అయితే గిల్ కేవలం 23 బంతుల్లోనే 150 నుంచి 200కి
చేరుకోవడంతో, వరుసగా మూడు సిక్సర్ల కారణంగా డబుల్ సెంచరీ మార్క్‌ను దాటడం
విశేషం. ఈ సందర్భంగా గిల్ సాధించిన ఫీట్‌పై జట్టు సంబరాలు చేసుకుంది. దీనికి
సంబంధించిన వీడియోను బీసీసీఐ పోస్ట్ చేసింది. ఇక ఆ వీడియోపై కోహ్లీ
స్పందించాడు. “నేను దానిని అత్యద్భుతంగా పిలుస్తాను. ముఖ్యంగా తదుపరి
అత్యుత్తమ స్కోరు 40 కూడా కాదు, అతను డబుల్ సెంచరీ సాధించడం చాలా ఎక్కువ
స్థాయిలో సంతోషం కలిగించింది ” అని కోహ్లీ ఆ వీడియోలో పేర్కొన్నాడు. మ్యాచ్
ముగిసిన తర్వాత గిల్ తన ఇన్నింగ్స్‌ను ఎలా ప్లాన్ చేసుకున్నాడో తెలిపాడు.
“వికెట్లు పడిపోతున్నప్పుడు, కొన్ని సమయాల్లో నేను హిట్ చేయాలని అనుకున్నా.
నెమ్మదిగా ఆడుతూ బౌలర్ పై ఒత్తిడికి గురిచేయాలి” అని గిల్ తన వ్యూహం గురించి
చెప్పాడు.