విరాట్ కోహ్లీ డ్యాన్స్ వైరల్

టీమిండియా క్రికెటర్‌ విరాట్‌ కోహ్లీ ఇతర టీమ్‌ సభ్యులతో కలిసి డ్యాన్స్‌
చేయడం సోషల్‌ మీడియాలో వైరల్‌గా మారింది. ఈడెన్ గార్డెన్స్‌లో జరిగిన రెండో
వన్డేలో అద్భుత విజయం సాధించిన తర్వాత స్టేడియం నిర్వాహకులు లేజర్ లైట్
లైటింగ్ షోను ఏర్పాటు చేశారు. యువ క్రికెటర్ ఇషాన్ కిషన్ తో కలిసి కోహ్లీ
హుషారుగా డ్యాన్స్ చేసి అందరినీ ఆకర్షించారు. వీరిద్దరూ పోటాపోటీగా స్టేప్పులు
వేయగా స్టాండ్స్ లోని ప్రేక్షకులు గట్టిగా అరుస్తూ వాళ్లను ఉత్సాహపరిచారు.
ఇద్దరి నృత్యాన్ని తమ సెల్ ఫోన్లలో రికార్డు చేశారు. ఇప్పుడు ఆ వీడియోలు నెట్
లో వైరల్ గా మారాయి. కాగా, రెండో వన్డేలో 4 వికెట్ల తేడాతో శ్రీలంకను భారత్
ఓడించింది. దాంతో, మూడు వన్డేల సిరీస్ ను 2–0తో గెలిచింది. ఇరు జట్ల మధ్య
చివరి, మూడో వన్డే ఆదివారం తిరువనంతపురంలో జరగనుంది.