జట్టుకు 374 పరుగుల భారీ లక్ష్యాన్ని నిర్దేశించింది. స్టార్ బ్యాటర్లు
కోహ్లీ, రోహిత్ శర్మ అదరగొట్టేశారు. విరాట్ సెంచరీ బాది.. దిగ్గజ క్రికెటర్
సచిన్ రికార్డును సమం చేయగా..హిట్మ్యాన్ తృటిలో శతకాన్ని చేజార్చుకున్నాడు.
లంకతో జరుగుతున్న తొలి వన్డేలో టీమ్ఇండియా బ్యాటర్లు అదరగొట్టారు. దీంతో భారత
జట్టు నిర్ణీత 50 A ఓవర్లలో 7 వికెట్ల నష్టానికి 373 పరుగుల భారీ స్కోరు
సాధించింది. స్టార్ బ్యాటర్లు కోహ్లీ, రోహిత్ శర్మ, శుభమన్ గిల్
అదరగొట్టేశారు. విరాట్ (113; 87 బంతుల్లో 12 ఫోర్లు, 1సిక్స్) ఏకంగా సెంచరీ
బాది దిగ్గజ క్రికెటర్ సచిన్ రికార్డును బద్దలు కొట్టాడు. తాజా శతకంతో..
స్వదేశంలో అత్యధికంగా 20 శతకాలు బాదిన సచిన్ సరసన చేరాడు. వన్డేల్లో అతడికిది
45వ సెంచరీ కాగా శ్రీలంకపై తొమ్మిదోది.
ఓపెనర్లు రోహిత్ శర్మ (83; 67 బంతుల్లో 9 ఫోర్లు, 3 సిక్స్లు), శుభమన్ గిల్
(70; 60 బంతుల్లో 11 ఫోర్లు) రాణించగా.. శ్రేయస్ అయ్యర్ (28), కేఎల్ రాహుల్
(39), హార్దిక్ పాండ్య (14), అక్షర్ పటేల్ (9), సిరాజ్ (7), షమి (4) పరుగులు
చేశారు. లంక బౌలర్లలో కసన్ రజితా మూడు, మదుశంక, ధనంజయ, కరుణరత్నె, శాన్ తలో
వికెట్ పడగొట్టారు.రోహిత్ సెంచరీ మిస్.. కెప్టెన్‌ రోహిత్ శర్మ కొత్త ఏడాదిని
ఘనంగా ఆరంభించాడు. గాయం నుంచి కోలుకుని జట్టులోకి వచ్చిన హిట్మ్యాన్ తొలి
మ్యాచ్‌లోనే అదరగొట్టాడు. గౌహతి వేదికగా శ్రీలంకతో తొలి వన్డేలో రోహిత్
అద్భుతమైన ఇన్నింగ్స్‌ ఆడాడు. ఈ మ్యాచ్‌లో 67 బంతులు ఎదుర్కొన్న
హిట్మ్యాన్.. 9 ఫోర్లు, 3 సిక్స్‌లతో 83 పరుగులు చేశాడు. ఆరంభం నుంచే
దూకుడుగా ఆడిన రోహిత్ తృటిలో సెంచరీ చేసే అవకాశాన్ని చేజార్చుకున్నాడు. 83
పరుగులు చేసిన హిట్మ్యాన్ శ్రీలంక పేసర్‌ మధుశంక బౌలింగ్‌లో క్లీన్‌
బౌల్డ్‌గా వెనుదిరిగాడు.
