రమోస్‌ హ్యాట్రిక్ గోల్

సూపర్‌ స్టార్‌ క్రిస్టియానో రొనాల్డో స్థానంలో చోటు దక్కించుకున్న 21 ఏళ్ల
యువ ఫార్వర్డ్‌ గొన్కాలో రమోస్‌ చెలరేగాడు. ఏకంగా హ్యాట్రిక్‌ గోల్స్‌ కొట్టి
రొనాల్డోను మరిపించాడు. ఈ టోర్నీలో ఇదే తొలి హ్యాట్రిక్‌ కావడం విశేషం. రమోస్‌
విజృంభణతో స్విట్జర్లాండ్‌తో మంగళవారం అర్ధరాత్రి జరిగిన రౌండ్‌-16 పోరులో
పోర్చుగల్‌ గోల్స్‌ వర్షం కురిపించింది. ఏకంగా 6-1తో ప్రత్యర్థిని చిత్తు
చేసిన పోర్చుగల్‌ ఈనెల 10న జరిగే క్వార్టర్స్‌లో మొరాకోతో తలపడనుంది.