ప్రీక్వార్టర్స్‌లో స్విట్జర్లాండ్‌

ఫిఫా ప్రపంచ కప్‌లో స్విట్జర్లాండ్‌ వరుసగా మూడోసారి ప్రపంచ కప్‌
ప్రీక్వార్టర్‌ఫైనల్‌కు చేరింది. శుక్రవారం అర్ధరాత్రి జరిగిన గ్రూప్‌ ‘జి’
మ్యాచ్‌లో ఆ జట్టు 3-2తో సెర్బియాపై గెలిచింది. మొత్తం 6 పాయింట్లతో గ్రూపులో
స్విట్జర్లాండ్‌ రెండో స్థానంలో నిలిచింది. మంగళవారం జరిగే నాకౌట్‌ పోరులో
పోర్చుగల్‌తో అమీతుమీ తేల్చుకుంటుంది. షకీరి (20ని.), ఎంబోలో (40), ఫ్రూలర్‌
(48) స్విట్జర్లాండ్‌ తరపున గోల్స్‌ చేశారు. మిట్రోవిక్‌ (26), లహోవిక్‌ (35)
సెర్బియాకు గోల్స్‌ అందించారు.