పోరాడుతున్న విండీస్

ఆస్ట్రేలియాతో తొలి టెస్ట్‌లో వెస్టిండీస్‌ పోరాడుతోంది. ఆటకు నాలుగోరోజైన
శనివారం 498 పరుగుల భారీలక్ష్యం కోసం రెండో ఇన్నింగ్స్‌ బరిలోకి దిగిన
విండీస్‌ ఆట ముగిసేసరికి 192/3 స్కోరు చేసింది. అంతకుముందు 29/1తో రెండో
ఇన్నింగ్స్‌ కొనసాగించిన ఆసీస్‌ 182/2 స్కోరు వద్ద డిక్లేర్‌ చేసింది. తొలి
ఇన్నింగ్స్‌ ఆధిక్యం 315 రన్స్‌ కలిపి 497 పరుగుల లీడ్‌ సాధించింది. లబుషేన్‌
(104 నాటౌట్‌) శతకం బాదాడు. దీంతో గ్రెగ్‌ చాపెల్‌, డో వాల్టర్‌ తర్వాత ఓ
టెస్ట్‌లో డబుల్‌, సింగిల్‌ సెంచరీలు చేసిన ఆసీస్‌ ఆటగాడిగా లబుషేన్‌
రికార్డులకెక్కాడు. తొలి ఇన్నింగ్స్‌లో ఆసీస్‌ 598/4 స్కోరువద్ద డిక్లేర్‌
చేయగా.. విండీస్‌ 283 రన్స్‌కే కుప్పకూలింది.