న్యూజిలాండ్ జాతీయ క్రికెట్ తో ఒప్పందాలు వదులుకోనున్న ప్లేయర్లు: టిమ్ సౌథీ

ఐపీఎల్‌తో సహా టీ20 లీగ్‌, ఇతర లాభదాయకమైన విదేశీ ఒప్పందాల కోసం తమ జాతీయ
ఒప్పందాలను వదులుకోవడానికి ఎక్కువ మంది ఆటగాళ్లు మొగ్గు చూపుతూండడం ద్వారా
క్రికెట్ స్వరూపాన్ని పూర్తిగా మార్చివేశారని న్యూజిలాండ్ పేసర్ టిమ్ సౌథీ
అభిప్రాయపడ్డారు. భారత్‌తో బుధవారం జరిగే మూడో వన్డేకు ముందు సౌథీ
మాట్లాడుతూ, “గత కొన్ని నెలలుగా క్రికెట్ రూపురేఖలు చాలా వేగంగా మారిపోయాయి.
“ప్రస్తుతం నేను న్యూజిలాండ్ క్రికెట్‌తో ఒప్పందం కుదుర్చుకున్నాను. నేను ఈ
సంవత్సరం ఐపీఎల్ (ఇండియన్ ప్రీమియర్ లీగ్)కి తిరిగి వచ్చాను. రాబోయే
సంవత్సరాల్లో ఏమి జరుగుతుందో చూద్దాం. కానీ, ఇది ఖచ్చితంగా క్రికెట్
ల్యాండ్‌స్కేప్‌ను మార్చేస్తుంది” అని సౌథీ అన్నారు. ఇదిలా ఉండగా, 2023 ఐపీఎల్
సీజన్‌లో కోల్‌కతా నైట్ రైడర్స్ తరపున సౌథీ ఆడనున్నాడు.