నాకెందుకు మ్యాన్ ఆఫ్ ది మ్యాచ్ ఇచ్చారో? – బెల్జియం ప్లేయర్ కెవిన్ డి బ్రూయిన్

బెల్జియం తరఫున మిడ్‌ఫీల్డర్‌గా ఉన్న కెవిన్ డి బ్రూయిన్ ప్రపంచ కప్ లోని
మొదటి మ్యాచ్‌లో ఘోరంగా విఫలమైన విషయం తెలిసిందే. ఈ విషయాన్ని ఆయనే నేరుగా
చెప్పడం విశేషం. తాజాగా ఖతార్ ఫిఫా ప్రపంచ కప్‌లో కెనడాపై 1-0తో తేడాతో
బెల్జియం విజయం సాధించింది. ఈ మ్యాచ్ లో మ్యాన్‌ ఆఫ్‌ ద మ్యాచ్‌ అవార్డును
స్వీకరిస్తున్న సందర్భంగా ఆయన ఈ విషయాన్ని ప్రస్తావించారు. డి బ్రూయిన్
మాట్లాడుతూ.. “నాకు మ్యాన్ ఆఫ్ ది మ్యాచ్ ట్రోఫీ ఎందుకు వచ్చిందో తెలియదు.”
అన్నాడు. కెనడాపై విజయం సాధించిన తర్వాత డి బ్రూయిన్ చేసిన పై వ్యాఖ్యలు
ప్రస్తుతం వైరల్ గా మారాయి. ఆదివారం మొరాకోతో బెల్జియం మరో మ్యాచ్ ఆడనుంది.