ఐపీఎల్ నుంచి పోలార్డ్ రిటైర్మెంట్..

వెస్టిండీస్ ఆల్ రౌండర్ కీరన్ పొలార్డ్ ఇండియన్ ప్రీమియర్ లీగ్ నుంచి రిటైర్
అయ్యాడు. ఈ సీజన్ వేలానికి ముందే పొలార్డ్ ను ముంబై ఇండియన్స్ విడుదల
చేయనుందని ఇటీవల ఒక నివేదిక వెలువడిన సంగతి తెలిసిందే. 12 ఏళ్ల పాటు ముంబై
తరపున ఆడిన పొలార్డ్‌ను ముంబై పక్కన పెట్టడం ఇదే తొలిసారి. ఇప్పుడు ఐపీఎల్
నుంచి రిటైర్మెంట్ ప్రకటించి అందరినీ ఆశ్చర్యపరిచాడు. పొలార్డ్ పదవీ విరమణ
చేస్తున్నట్లు సుదీర్ఘమైన పోస్ట్‌ను రాసుకొచ్చాడు. అందులో అతను
మరికొన్నిసంవత్సరాలు ఆడాలని కోరుకుంటున్నట్లు చెప్పాడు. అయితే ముంబై
ఇండియన్స్‌ మేనేజ్‌మెంట్‌తో మాట్లాడిన తర్వాత, తాను రిటైర్మెంట్ కావాలని
నిర్ణయించుకున్నట్లు తెలిపాడు. పొలార్డ్ తన పోస్ట్‌లో “ముంబై టీంలో మార్పులు
అవసరం. నేను ఇప్పుడు ముంబై ఇండియన్స్‌కు ఆడలేకపోతున్నాను. నేను ఎప్పటికీ
ముంబైకి అండగానే ఉంటాను” అని చెప్పుకొచ్చాడు. ఐపీఎల్‌లో 189 మ్యాచ్‌లు ఆడిన
పొలార్డ్ 3412 పరుగులు చేశాడు. అతను 2010లో తన ముంబై ఇండియ‌న్స్ త‌ర‌పున‌
అరంగేట్రం చేశాడు.