ఆస్ట్రేలియా పర్యటనకు 23 మందితో భార‌త హాకీ జ‌ట్టు..

అనుభవజ్ఞుడైన డ్రాగ్-ఫ్లిక్కర్ హర్మన్‌ప్రీత్ సింగ్ నేతృత్వంలో 23మంది
సభ్యులతో కూడిన పురుషుల హాకీ జట్టు త్వరలో ఆస్ట్రేలియాకు వెళ్లనున్నట్లు హాకీ
ఇండియా మంగళవారం ప్రకటించింది. ప్రపంచకప్ సన్నాహాల్లో భాగంగా, భారత్ నవంబర్ 26
నుంచి అడిలైడ్‌లో ఆస్ట్రేలియాతో ఐదు మ్యాచ్‌లు ఆడనుంది. ఎఫ్‌ఐహెచ్ షోకేస్
భువనేశ్వర్, రూర్కెలాలో జనవరి 13 నుంచి జనవరి 29 వరకు ఉంటుంది. రాబోయే
గేమ్‌లకు అమిత్ రోహిదాస్ వైస్ కెప్టెన్‌గా ఎంపికయ్యాడు, హర్మన్‌ప్రీత్ జట్టుకు
కెప్టెన్‌గా వ్యవహరిస్తాడు. భారత హాకీ ప్రధాన కోచ్ గ్రాహం రీడ్ మాట్లాడుతూ
“రాబోయే ఎఫ్‌ఐహెచ్ ఒడిషా హాకీ పురుషుల ప్రపంచ కప్ భువనేశ్వర్-రూర్కెలా 2023లో
అగ్రశ్రేణి పోటీదారులలో ఒకరితో మనల్ని మనం పరీక్షించుకోవడానికి రాబోయే
ఆస్ట్రేలియా పర్యటన మాకు మంచి అవకాశం” అని అన్నాడు.