జోస్ బట్లర్, డేవిడ్ మలాన్‌ సెంచరీల మోత.. – మూడో వన్డేలో సౌతాఫ్రికాపై ఇంగ్లాండ్ గెలుపు

జోస్ బట్లర్, డేవిడ్ మలాన్‌ల సెంచరీలతో సౌతాఫ్రికాపై ఇంగ్లాండ్ అలవోకగా
విజయం సాధించింది. మూడు మ్యాచ్‌ల సిరీస్‌లోని మూడవ, చివరి వన్డే మ్యాచ్‌లో
దక్షిణాఫ్రికాపై ఇంగ్లాండ్ 59 పరుగుల తేడాతో విజయం సాధించింది. మొదట
బ్యాటింగ్‌కు దిగిన ఇంగ్లండ్ 14 పరుగుల వద్ద మూడు వికెట్లు కోల్పోయి కష్టాల్లో
పడింది. అయితే మలాన్ (118), బట్లర్ (131) వరుసగా సెంచరీలు పూర్తి చేసి
ఇంగ్లండ్‌ను 50 ఓవర్లలో 346/7 భారీ స్కోరుకు తీసుకెళ్లారు. తరువాత,
దక్షిణాఫ్రికా ప్రారంభ వికెట్లు కోల్పోయింది. అయితే హెన్రిచ్ క్లాసెన్ 80
పరుగులు చేసి ఆతిథ్య జట్టుకు ఆశాకిరణాన్ని అందించాడు. కానీ, అతన్ని ఆర్చర్
అవుట్ చేయడంతో దక్షిణాఫ్రికా 287 పరుగులకు ఆలౌటైంది. ఆర్చర్‌తో పాటు ఆదిల్
రషీద్ మూడు వికెట్లు పడగొట్టగా, క్రిస్ వోక్స్ ఒక వికెట్ తీశాడు. ఈ విజయంతో,
ఇంగ్లండ్ మూడు మ్యాచ్‌ల సిరీస్‌లో వైట్‌వాష్‌ను విజయవంతంగా తప్పించుకుంది.
మొత్తానికి దక్షిణాఫ్రికాపై విజయం సాధించింది.