ఎంపీలకు దిశా నిర్దేశం చేసిన చంద్రబాబు

న్యూఢిల్లీ : టీడీపీ పార్లమెంటరీ పార్టీ సమావేశం ముగిసింది. ఈ సమావేశానికి ఆ
పార్టీ అధినేత చంద్రబాబు నాయుడు అధ్యక్షత వహించారు. పార్లమెంట్లో
అనుసరించాల్సిన వ్యూహంపై ఎంపీలకు చంద్రబాబు దిశా నిర్దేశం చేశారు. టీడీపీ
లోక్‌సభా పక్షనేత గల్లా జయదేవ్ నివాసంలో ఈ సమావేశం జరిగింది. పార్లమెంట్
శీతాకాల సమావేశాల్లో చర్చించాల్సిన అంశాలు, ఏపీ పెండింగ్ అంశాలపై సమావేశాల్లో
చర్చించారు. సమావేశానంతరం సాయంత్రం 5 గంటలకు రాష్ట్రపతి భవన్‌లో ప్రధాని
నరేంద్ర మోడీ అధ్యక్షతన జరిగే జి20 సన్నాహక సమావేశంలో చంద్రబాబు
పాల్గొన్నారు. ఈ సమావేశంలో గల్లా జయదేవ్, కేశినేని నాని, రామ్మోహన్ నాయుడు,
కనకమేడల రవీంద్రకుమార్ పాల్గొన్నారు.