లాలూ ప్రసాద్ యాదవ్‌కు కుమార్తె కిడ్నీ దానం..

బిహార్ మాజీ ముఖ్యమంత్రి, ఆర్జేడీ అధినేత లాలూ ప్రసాద్ యాదవ్ కుమార్తె గొప్ప
మనసు చాటుకున్నారు. అనారోగ్యంతో బాధపడుతున్న తన తండ్రికి కొత్త జీవితం
ఇచ్చేందుకు సిద్ధపడ్డారు. సింగపూర్‌లో నివసిస్తున్న లాలూ రెండో కుమార్తె
రోహిణి ఆచార్య.. తండ్రికి కిడ్నీ దానం చేసేందుకు ముందుకొచ్చారు. కాగా, 74 ఏళ్ల
లాలూ యాదవ్ కొంతకాలంగా కిడ్నీ సంబంధిత సమస్యలతో ఇబ్బంది పడుతున్న విషయం
తెలిసిందే. ఇటీవల వైద్యం కోసం కూతురుతో కలిసి ఆయన సింగపూర్ కూడా వెళ్లొచ్చారు.
ఆసుపత్రికి వెళ్లే ముందు రోహిణి మాట్లాడుతూ… “మేము దేవుడిని చూడలేదు
కానీ… లాలూ ప్రసాద్ మాత్రం క్షేమంగా ఉండాలి. మళ్లీ ప్రజల్లోకి
రావాలి” అని అన్నారు.