ఆప్ నేతలపై శివరాజ్‌ సింగ్ చౌహాన్ చురకలు..

ఢిల్లీ సీఎం కేజ్రీవాల్, ఆయన సహచర మంత్రులపై మధ్యప్రదేశ్ ముఖ్యమంత్రి శివరాజ్
సింగ్ చౌహాన్ విరుచుకుపడ్డారు. మున్సిపల్ కార్పొరేషన్ ఎన్నికల వేళ ఆమ్ ఆద్మీ
పార్టీని ఎగతాళి చేస్తూ సోమవారం ఆ పార్టీ నేతలపై ఆయన ఆగ్రహం వ్యక్తం చేశారు.
ఢిల్లీ ముఖ్యమంత్రి అరవింద్ కేజ్రీవాల్‌కు “ధోఖా రత్న” ఇవ్వాలని ఆయన ఎద్దేవా
చేశారు. అదేవిధంగా మనీష్ సిసోడియాకు “శరబ్ రత్న”, సత్యేందర్ జైన్‌కి “మసాజ్
రత్న” అవార్డులు ఇవ్వాలని ఆప్ నేతలపై తీవ్ర వ్యాఖ్యలు చేశారు. సత్యేందర్
జైన్, మనీష్ సిసోడియాలకు భారతరత్న ఇవ్వాలని కేజ్రీవాల్ చేసిన వ్యాఖ్యలపై
మధ్యప్రదేశ్ సీఎం శివరాజ్ సింగ్ చౌహాన్ పై విధంగా స్పందించడం విశేషం.