హిమపాతం అధికమై.. ముగ్గురు సైనికుల మృతి

ఉత్తర కాశ్మీర్‌లోని నియంత్రణ రేఖ వద్ద తీవ్రవాద చొరబాట్లను నిరోధించడానికి
ఏర్పాటు చేసిన ముగ్గురు సైనికులు వాతావరణ పరిస్థితి అనుకూలించకపోవడంతో మృతి
చెందారు. ‌శనివారం సాయంత్రం పెట్రోలింగ్ చేస్తుండగా ముగ్గురు సైనికులు మంచులో
చిక్కుకుపోయారని రక్షణ మంత్రిత్వ శాఖ ప్రతినిధి కల్నల్ ఇమ్రాన్ తెలిపారు.
వీరిలో‌ ఒకరు అక్కడే చనిపోగా మరో ఇద్దరు సైనికులు కుప్వారాలోని మిలిటరీ
ఆసుపత్రిలో చనిపోయారన్నారు. అధిక స్థాయిలో హిమపాతం రావడంతో ముగ్గురు సైనికులు
‌మృతి‌చెందారన్నారు.