కర్ణాటకలో బీజేపీకి షాక్

పార్టీకి ప్రముఖ నేతలు గుడ్బై

కర్ణాటకలో వరుసగా రెండోసారి అధికారం నిలబెట్టుకునేందుకు భారతీయ జనతా పార్టీ
తొలిసారి అమలు చేసిన గుజరాత్‌ తరహా ఫార్ములా బెడిసికొట్టినట్లు కనిపిస్తోంది.
ఇప్పటివరకు 212 మందితో రెండు జాబితాలు విడుదల చేయగా 60 మంది సిట్టింగ్‌లను
టికెట్లు దక్కలేదు. టికెట్లు రాని ఎమ్మెల్యేలు కొందరు ఇప్పటికే రాజీనామా చేయగా
మరి కొందరు అదే బాట పట్టే సూచనలు కనిపిస్తున్నాయి. అసంతృప్తులను
బుజ్జగించేందుకు కమలం పెద్దలు మాజీ సీఎం యడియూరప్పను బరిలోకి దించినా
పరిస్థితులు అదుపులోకి వస్తున్నట్లు కనిపించటం లేదు.