అస్సాం మంత్రులతో ప్రధాని నరేంద్ర మోడీ భేటీ

గువాహటి: అస్సాంలో అనూహ్య ఘటన చోటుచేసుకుంది. ముఖ్యమంత్రి హిమంత బిశ్వ
శర్మతోపాటు ఆయన కేబినెట్‌లోని మంత్రులతో ప్రధాని నరేంద్ర మోడీసమావేశమయ్యారు.
గువాహటిలోని కొయినాధోరా గెస్ట్‌హౌస్‌లో 2 గంటలపాటు ఈ భేటీ జరిగింది. సమావేశ
వివరాలను బయటకు వెల్లడించలేదు. తమ మంత్రులతో ప్రధాని సమావేశం కావడం తమకు
దక్కిన అరుదైన గౌరవమని బిశ్వ శర్మ ట్వీట్‌ చేశారు. మేఘాలయ, నాగాలాండ్‌లలో
ముఖ్యమంత్రుల ప్రమాణ స్వీకారోత్సవానికి హాజరైన ప్రధాని సాయంత్రం గువాహటి
చేరుకుని అస్సాం మంత్రులతో సమావేశమయ్యారు.