ముంచుతున్న మంచు తుఫాను – అమెరికా, కెనడా ప్రాంతాల్లో ఇప్పటికే 38 మంది మృతి

వాషింగ్టన్ : అమెరికా, కెనడా దేశాల్లో తీవ్రమైన ఆర్కిటిక్ తుఫాను
కొనసాగుతోంది. యుఎస్, కెనడాలోని అనేక ప్రాంతాల్లో ‍-45 డిగ్రీల సెల్సియస్ కంటే
తక్కువ ఉష్ణోగ్రతలు నమోదవుతున్నందున భయాందోళనలకు గురిచేస్తోంది. ఆర్కిటిక్
తుఫాను కారణంగా కనీసం 38 మంది మరణించారు. వారిలో ఎక్కువ మంది న్యూయార్క్‌లోని
బఫెలోలో ఉన్నారని సమాచారం. బ్రిటీష్ కొలంబియాలోని పశ్చిమ ప్రావిన్స్‌లోని
మెరిట్ పట్టణానికి సమీపంలో మంచుతో నిండిన రహదారిపై బస్సు బోల్తా పడడంతో
మిగిలిన నాలుగు మరణాలు కెనడాలో సంభవించాయి. బఫెలోకు చెందిన న్యూయార్క్ రాష్ట్ర
గవర్నర్ కాథీ హోచుల్ ఇలా అన్నారు: “ఇది బఫెలో అత్యంత వినాశకరమైన తుఫానుగా
చరిత్రలో నిలిచిపోతుంది.” వెర్మోంట్, ఒహియో, మిస్సౌరీ, విస్కాన్సిన్,
కాన్సాస్, కొలరాడోల్లో కూడా తుఫాను సంబంధిత మరణాలు నమోదయ్యాయి.
తుఫాను కారణంగా రెండు దేశాల్లోని పదివేల గృహాలకు విద్యుత్తు అంతరాయం
ఏర్పడిన తర్వాత అంధకారం నెలకొని సాధారణ జీవితం దెబ్బతినింది. క్యూబెక్‌లో
ఆదివారం నాటికి దాదాపు 1,20,000 మంది వినియోగదారులు విద్యుత్తు లేకుండా
ఉన్నారు. కొన్ని గృహాలకు తిరిగి కనెక్ట్ కావడానికి కొన్ని రోజులు పట్టవచ్చని
అధికారులు తెలిపారు. ఇప్పటికే వేలాది విమానాలు రద్దు చేయబడ్డాయి. 55
మిలియన్లకు పైగా అమెరికన్లు ఇప్పటికీ విండ్ చిల్ అలర్ట్‌లో ఉన్నారు.