ఆందోళన, నిరాశకు వ్యాయామే బెటర్…

ఆందోళన, నిరాశ వంటి పరిస్థితులకు ప్రామాణిక మానసిక చికిత్స, మందుల కంటే
వ్యాయామమే మరింత ప్రయోజనకరంగా ఉంటుందని కొత్త విశ్లేషణ కనుగొంది. అన్ని రకాల
వ్యాయామాలు ముఖ్యమైన మానసిక ఆరోగ్య ప్రయోజనాలను చేకూరుస్తాయని అధ్యయనం
కనుగొంది. తక్కువ, అధిక తీవ్రత కలిగిన వ్యాయామ కార్యక్రమాలు గొప్ప ప్రభావాన్ని
చూపుతాయి. డిప్రెషన్‌తో బాధపడుతున్న వ్యక్తులు, ఎయిడ్స్, మూత్రపిండాల
వ్యాధితో బాధపడుతున్నవారు, గర్భిణీలు, పెద్దలకు వ్యాయామం గొప్ప మానసిక ఆరోగ్య
ప్రయోజనాన్ని అందించింది.
ఇప్పటికే ఉన్న పరిశోధన విస్తృతమైన విశ్లేషణ మానసిక ఆరోగ్య సమస్యలను
అనుభవించే వ్యక్తులకు శారీరక శ్రమను మొదటి ఎంపిక చికిత్సగా చూడాలని
నిర్ధారించింది. యాదృచ్ఛిక నియంత్రిత ట్రయల్స్ కు సంబంధించి దాదాపు 100
మెటా-రివ్యూల ముగింపులను ఈ అధ్యయనం విశ్లేషణ చేసింది. అధ్యయనానికి సంబంధించి
ప్రధాన రచయిత డాక్టర్ బెన్ సింగ్ ప్రకారం… కాగ్నిటివ్ బిహేవియర్ థెరపీ కంటే
డిప్రెషన్, మానసిక ఒత్తిడి ఆందోళనకు సంబంధించి తేలికపాటి నుంచి మితమైన
లక్షణాలను తగ్గించడంలో శారీరక శ్రమ 1.5 రెట్లు ఎక్కువ ప్రభావవంతంగా ఉంటుంది.
డిప్రెషన్, ఆందోళనతో బాధపడుతున్న వ్యక్తుల కోసం శారీరక శ్రమ విలువను
విస్తృతంగా గుర్తించినప్పటికీ, అధ్యయనం నిర్ధారించినంత తరచుగా అటువంటి
పరిస్థితుల నిర్వహణకు దాన్ని పరిగణనలోకి తీసుకోవడం సాధ్యపడక పోవచ్చు.