ఒక్క బంతీ పడలేదు -కివీస్, అఫ్ఘాన్ మ్యాచ్ వర్షార్పణం

టీ-20 ప్రపంచకప్ మ్యాచ్లకు వరుణుడు పదేపదే అడ్డుపడుతున్నాడు. న్యూజి లాండ్- అఫ్ఘానిస్థాన్ జట్ల మధ్య బుధవారం జరగా ల్సిన గ్రూప్-1 సూపర్-12 రెండో మ్యాచ్ ఒక్క బంతీ పడకుండానే వర్షంతో రద్దయింది. దాంతో రెండు జట్లకు ఒక్కో పాయింట్ కేటాయించారు. ఈ మ్యాచ్ కివీస్, అఫ్ఘాన్ జట్లకు రెండోది. తొలి మ్యాచ్లో డిఫెండింగ్ చాంపియన్ ఆస్ట్రేలియాను న్యూజిలాండ్ చిత్తు చేయగా.. అఫ్ఘానిస్థాన్ ఐదు వికెట్లతో ఇంగ్లండ్ చేతిలో పరాజయంపాలైన సంగతి తెలిసిందే. న్యూజిలాండ్ ప్రస్తుతం గ్రూప్ 1లో వారి పేరుకు మూడు పాయింట్లతో పాటు +4.450 నెట్ రన్ రేటుతో అగ్రస్థానంలో ఉంది.