బ్రిటన్‌ : బ్రిటన్‌ ప్రధానిగా ఎన్నికైన రిషి సునాక్‌ భారత మాజీ పేసర్‌ ఆశిష్ నెహ్రాను పోలిఉంటడంతో ప్రస్తుతం నెట్టింట వీరికి సంబంధించిన మీమ్స్‌ చక్కర్లు కొడుతున్నాయి. మీ ఇద్దరు సోదరులా అంటూ ప్రశ్నిస్తూ సరదా వ్యాఖ్యలు జోడిస్తున్నారు.బ్రిటన్‌ ప్రధానిగా భారత సంతతి వ్యక్తి రిషి సునాక్‌ ఏకగ్రీవంగా ఎన్నికై చరిత్ర సృష్టించారు. ఆర్థిక మాంద్యం, ఆపై పరిస్థితుల నడుమ ప్రధాని లిజ్‌ ట్రస్‌ రాజీనామా చేయడంతో టోరీ సభ్యులు రిషి వైపే మొగ్గు చూపారు. దీంతో బ్రిటన్‌ పాలనా పగ్గాలు అందుకోనున్న తొలి భారత సంతతి వ్యక్తిగానే కాకుండా, అతిపిన్న బ్రిటన్‌ ప్రధానిగానూ రిషి అరుదైన రికార్డు సొంతం చేసుకున్నారు. ఇదిలా ఉంటే, భారత మాజీ పేసర్‌ ఆశిష్ నెహ్రా.. రిషి సునాక్‌ను పోలి ఉంటడంతో మీ ఇద్దరు సోదరులా అంటూ నెట్టింట మీమ్స్‌ పుట్టుకొస్తున్నాయి. రిషి స్థానంలో నెహ్రా ఫొటోలను ఉంచి శుభాకాంక్షలు చెబుతూ నవ్వులు పంచుతున్నారు. కోహినూర్‌ వజ్రాన్ని తిరిగి తీసుకురావాలంటూ కోరుతున్నారు. ఈ సరదా మీమ్స్‌ను మీరూ చూసేయండి.
