అభిమానులకు కీర్తి సురేష్ సర్‌ప్రైజ్ పార్టీ

కమర్షియల్ సినిమాలతో పాటు కథానాయిక ప్రాధాన్యం ఉన్న ప్రాజెక్టులకు కేరాఫ్ అడ్రస్‌గా మారిన నటి కీర్తి సురేష్. ‘నేను శైలజ’, ‘మహానటి’ , ‘సర్కారు వారి పాట’ చిత్రాలతో ప్రేక్షకులకు చేరువైంది. భాషతో సంబంధం లేకుండా అన్ని ఇండస్ట్రీస్‌లోను నటిస్తుంది. కీర్తి సురేష్ అక్టోబర్ 17న పుట్టిన రోజు వేడుకలు జరుపుకొంది. సెలబ్రిటీల నుంచి సామాన్యుల వరకు ఆమెకు శుభాకాంక్షలు చెప్పారు. తాజాగా ఆమె అభిమానులకు ఫైవ్‌స్టార్ హోటల్‌లో సర్‌ప్రైజ్ పార్టీ ఇచ్చింది. అందుకు సంబంధించిన ఫొటోలు, వీడియోలు సోషల్ మీడియాలో వైరల్‌గా మారాయి. కీర్తి అభిమానులందరు విపరీతంగా వీటిని షేర్ చేస్తున్నారు. కీర్తి సురేష్ చెన్నైలోని ఫైవ్ స్టార్ హోటల్‌లో అభిమానులను కలుసుకుంది. వారితో సరదాగా ముచ్చటించింది.

అనంతరం సెల్ఫీలు ఇచ్చింది. కేక్‌ను కట్ చేసింది. అందరితో కలసి భోజనం చేసింది. ఈ వేడుకకు సంబంధించిన ఫొటోలు, వీడియోలు నెట్టింట హల్‌చల్ చేస్తున్నాయి. కీర్తి అంతకు ముందు ‘శాంతి వనం’ అనే అనాథాశ్రమంలో పుట్టిన రోజు సంబరాలు చేసుకుంది. కొంత మొత్తాన్ని చెక్కు రూపంలో వితరణగా అందజేసింది. గతంలో కొంతమంది హీరోలు అనేక సందర్భాల్లో ఫ్యాన్స్ మీట్ ఏర్పాటు చేశారు. కానీ, ఇప్పుడు హీరోయిన్ ఏర్పాటు చేయడం చెప్పుకోదగ్గ విశేషమే. ఇక కీర్తి సురేష్ కెరీర్ విషయానికి వస్తే.. ‘దసరా’ లో నటిస్తుంది. నాని హీరోగా చేస్తున్నాడు. సింగరేణి బొగ్గు గనుల నేపథ్యంలో కథ కొనసాగనున్నట్టు సమాచారం. ప్రపంచవ్యాప్తంగా ఈ చిత్రం వచ్చే ఏడాది మర్చి 30న విడుదల కానుంది. ‘భోళా శంకర్’లోను నటిస్తుంది. ఈ చిత్రంలో చిరంజీవి చెల్లెలి పాత్రను చేస్తుంది. ఇవి మాత్రమే కాక ఆమె చేతిలో మరికొన్ని ప్రాజెక్టులు ఉన్నాయి.