గ్లోబల్ స్టార్‌ ప్రభాస్ హీరోగా నటిస్తున్న సినిమా ‘ప్రాజెక్ట్-కె’ . దీన్ని వైజయంతి మూవీస్ భారీ బడ్జెట్‌తో రూపొందిస్తోంది. నాగ్ అశ్విన్ దర్శకత్వం వహిస్తున్నాడు. ఈ చిత్రం భారీ స్థాయి యాక్షన్ అడ్వెంచర్‌గా రూపొందుతోంది. ప్రభాస్ పుట్టిన రోజు సందర్భంగా మేకర్స్ అభిమానులకు సర్‌ప్రైజ్ గిఫ్ట్ ఇచ్చారు. ఓ పోస్టర్‌ను విడుదల చేశారు. పోస్టర్‌లో కేవలం ప్రభాస్ చేయిని మాత్రమే చూపించారు. సూయిర్ హీరో చేయిలా అది ఉంది. ‘‘హీరోలు జన్మించరు. ఉద్భవిస్తారు’’ అని వైజయంతి మూవీస్ పోస్టర్‌పై రాసింది. ఈ పోస్టర్‌ను ప్రభాస్ అభిమానులు విపరీతంగా షేర్ చేస్తున్నారు.
‘ప్రాజెక్ట్ -కె’ లో దీపికా పదుకొనె హీరోయిన్‌గా నటిస్తుంది. అమితాబ్ బచ్చన్, దిశా పటానీ కీలక పాత్రలు పోషిస్తున్నారు. మూడో ప్రపంచ యుద్ధం నేపథ్యంలో ఈ సినిమా కథ ఉండనుంది. ఈ సినిమాలో అనేక యాక్షన్ స్టంట్స్ ఉన్నాయి. అందువల్ల హాలీవుడ్‌కు చెందిన అనేక మంది యాక్షన్ డైరెక్టర్స్ ఈ మూవీ కోసం పనిచేయబోతున్నారని తెలుస్తోంది. ఈ చిత్రంలో ఐదు యాక్షన్ సన్నివేశాలు ఉన్నాయని సమాచారం. ఈ సీన్స్‌ను హాలీవుడ్‌కు చెందిన యాక్షన్ నిపుణులు కొరియోగ్రాఫ్ చేయనున్నారని వార్తలు వెలువడుతున్నాయి. మహాభారతానికి సంబంధించిన రిఫరెన్స్ కూడా చిత్రంలో ఉంటాయని ఫిల్మ్ నగర్ వర్గాలు తెలుపుతున్నాయి. అశ్వత్థామ పాత్రను స్ఫూర్తిగా తీసుకుని అమితాబ్ పాత్రను డిజైన్ చేశారని తెలుస్తోంది. ఒక్క యాక్షన్ సన్నివేశాన్ని బిగ్‌బీపై కూడా చిత్రీకరించారని సమాచారం. ‘ప్రాజెక్ట్ -కె’ షూటింగ్ 2023 మొదట్లో పూర్తయ్యే అవకాశం ఉంది. అదే ఏడాది చివరలో లేదా 2024 ప్రారంభంలో సినిమా థియేటర్స్‌లోకి రానుంది.
![[జాతియం ] భారత్‌కు తొలి స్వర్ణం : వరల్డ్ రికార్డ్](https://telugu.bloomtimes.org/wp-content/uploads/2023/09/worlds-350x200.jpg)
