మానవత్వం చాటుకున్న సోహైల్ ఖాన్..

నిత్యం సేవా కార్యక్రమాలతో వార్తల్లో నిలిచే నటుడు, చిత్రనిర్మాత సోహైల్ ఖాన్
మరోమారు తన మానవత్వాన్ని చాటుకున్నాడు. ముంబైలోని ఓ వీధిలో పడిపోయిన ఒక మహిళకు
సహాయం చేస్తూ కనిపించాడు. ఆ మహిళకు సహాయం చేయడానికి స్థానిక వ్యక్తులతో కలిసి
సోహైల్ ప్రయత్నిస్తున్న వీడియో, ఫొటోలు ఇప్పుడు సోషల్ మీడియాలో వైరలయ్యాయి.
వీడియోలో క్యాజువల్ లుక్‌లో కనిపించిన సోహైల్ మహిళను పైకి లేపుతూ
రక్షించేందుకు ప్రయత్నిస్తున్నట్లు కనిపించాడు. సోహైల్ ఖాన్ సామాజిక బాధ్యత,
చొరవపై సర్వత్రా అభినందనలు వ్యక్తమవుతున్నాయి. నెటిజన్లు, అభిమానులు సైతం
సొహైల్ ఖాన్ స్ఫూర్తిని మెచ్చుకున్నారు.