37వ పుట్టినరోజు జరుపుకుంటున్న యశ్..

కేజీఎఫ్ స్టార్ యష్ తన 37వ పుట్టినరోజును జరుపుకుంటున్నారు. యష్ దేశవ్యాప్తంగా
క్రేజ్ ను సంపాదించుకున్నారు. అతను స్వీయ-నిర్మిత సూపర్ స్టార్‌ల ఎలైట్
గ్రూప్‌లో ఒకడిగా ఉన్నారు. `కేజీఎఫ్`తో కన్నడ నాట యష్ అనే హీరో కూడా వున్నాడని
యావత్ ప్రపంచానికి తెలిసింది. 2018లో విడుదలై `కేజీఎఫ్ చాప్టర్ 1` సైలెంట్ గా
వచ్చి మోన్ స్టర్ హిట్ ని దక్కించుకుంది. పాన్ ఇండియా వైడ్ గా బ్లాక్ బస్టర్
హిట్ గా నిలిచి యష్ కెరీర్ లోనే భారీ వసూళ్లని రాబట్టిన సినిమాగా రికార్డు
సాధించింది. ఈ మూవీ తరువాత దీనికి సీక్వెల్ గా వచ్చిన `కేజీఎఫ్ 2` ఇటీవల
విడుదలై రికార్డు స్థాయి విజయాన్ని సొంతం చేసుకుంది. ఇంత తక్కువ వ్యవధిలో యష్
సాధించిన విజయాన్ని ఎవ్వరూ ఊహించి ఉండరు.
కేజీఎఫ్ చాప్టర్ 2 విడుదలకు ముందే యష్ సినిమా సామర్థ్యంపై నమ్మకంతో
ఉన్నారు. కెజిఎఫ్ కన్నడ చిత్ర పరిశ్రమ గర్వపడేలా చేస్తానని కర్ణాటకలోని తన
అభిమానులకు హామీ ఇచ్చారు. దాంతో కన్నడ సినిమా రూపురేఖలే మారిపోయాయి.
తన పుట్టినరోజుకు ముందు అభిమానులకు యష్ సందేశం: ‘నేను మీ సహనం, అవగాహనను
బహుమతిగా అడుగుతున్నాను’.