అవతార్ 2 సినిమా రివ్యూ..

ప్రపంచవ్యాప్తంగా ఎప్పుడెప్పుడా అని ఎదురుచూస్తున్నసినీ ప్రియుల ముందుకు
వచ్చేసింది అవతార్ 2. ముంబైలో వేసిన ప్రీమియర్‌ షోతో సినిమాపై హైప్‌
పెరిగిపోయింది. ఈ క్రమంలో డిసెంబర్ 16న ఈ సినిమా ప్రపంచవ్యాప్తంగా 160 భాషల్లో
విడుదలయింది. ఇప్పటికే ప్రీమియర్ షోలు చూసినవారు తమ అభిప్రాయాలను ట్విట్టర్
వేదికగా తెలియజేస్తున్నారు. ఫస్ట్ పార్ట్ ఎక్కడ ఎండ్ అయిందో అక్కడి నుంచి ఈ కథ
మొదలవుతుంది. మనషుల్ని పండోరా గ్రహంపై నుంచి వెళ్లగొట్టిన నావి తెగ ప్రజలు
చాలా ఆనందంగా బతుకుతుంటారు. కొంతమంది నమ్మకస్తులైన మనుషుల్ని మాత్రం
అట్టిపెట్టుకుంటారు. ఇక హీరో జేక్ సల్లీ(శామ్ వర్తింగ్టన్), నేతిరికి
ఇద్దరబ్బాయిలు, ఓ అమ్మాయి పుడుతుంది. మరో అమ్మాయిని దత్తత తీసుకుంటారు. అలా
నలుగురు పిల్లలతో జేక్ ఫ్యామిలీ పండోరాలోని హలలూయి మౌంటైన్స్(గాల్లో వేలాడే
పర్వతాలు)లో హ్యాపీగా బతుకుతుంటారు. అయితే, పండోరా పై దాడికి మనుషులు
వస్తున్నారని తెలిసి.. తామున్న చోటు సురక్షితం కాదనుకుని మెత్కయినా
ప్రాంతానికి వలస వెళ్లిపోతారు. అక్కడ సముద్రమే ప్రపంచం. ఆ ప్రపంచంతో వారు
మమేకమవుతారు. అసలు జేక్ ఫ్యామిలీకి వచ్చిన ఇబ్బందులు ఏంటి? చివరకు ఏం
జరిగింది? ఆ సముద్ర ప్రపంచం ఎలా వుంది అనే దృశ్యమానం తెలియాలంటే థియేటర్లలోకి
వెళ్లి సినిమా చూడాల్సిందే.