ఆస్కార్ అవార్డ్ గ్రహీత, హాలీవుడ్ సింగర్ ఐరీన్ హఠాన్మరణం

ఆస్కార్ అవార్డ్ విజేత, హాలీవుడ్ సింగర్.. నటి ఐరీన్ కారా కన్నుమూశారు. ఫేమ్,
ఫ్లాష్ డ్యాన్స్ చిత్రాల ద్వారా గుర్తింపు పొందారు ఐరీన్. 63 ఏళ్ల ఐరీన్
ఫ్లోరీడాలోని తన నివాసంలో మృతి చెందినట్లు.. ఆమె ప్రచారకర్త జుడిత్ ఎ.మూస్
ట్విట్టర్ వేదికగా తెలియజేశారు. ఐరీన్ మరణంతోనే ఆమె కుటుంబంతో దుఃఖంలో
మునిగిపోయిందంటూ ట్వీట్ చేశాడు. ఐరీన్ మరణానికి గల కారణాలు మాత్రం
తెలియరాలేదు. ఆమె మృతితో హాలీవుడ్ ఇండస్ట్రీలో విషాద ఛాయలు అలుముకున్నాయి.
ఐరీన్ మరణం పట్ల సినీ ప్రముఖులు సంతాపం వ్యక్తం చేస్తున్నారు. “ది మీ నోబడీ
నోస్” అనే సంగీత కార్యక్రమం ద్వారా 300 కంటే ఎక్కువ ప్రదర్శనలు ఇచ్చింది.