కమల్ హాసన్ నెక్ట్స్ సినిమా ఫిక్స్

విశ్వ నటుడు కమల్ హాసన్ శంకర్ దర్శకత్వంలో ‘ఇండియన్ 2’ లో నటిస్తున్నాడు. ఈ
సినిమా షూటింగ్ మరో నెల రోజుల్లో పూర్తి కానుంది. ఈ నేపథ్యంలో కమల్ నెక్ట్స్
సినిమా ఫిక్సయింది. ప్రముఖ డైరెక్టర్ హెచ్. వినోద్ తో సినిమా చేయనున్నాడు. ఈ
చిత్రానికి ‘కెహెచ్233’ (KH233) అని వర్కింగ్ టైటిల్ పెట్టారు. ఈ మూవీలో విజయ్
సేతుపతి కీలక పాత్రను పోషించనున్నాడట. గతంలో కమల్, విజయ్ కలసి ‘విక్రమ్’ లో
నటించారు. తాజాగా మరోసారి వీరిద్దరు స్క్రీన్‌ను షేర్ చేసుకొబోతుండటంతో ఈ
ప్రాజెక్టుపై భారీ అంచనాలున్నాయి. ఈ చిత్రానికి సంబంధించిన అధికారిక ప్రకటన
త్వరలోనే వస్తుందని కోలీవుడ్ వర్గాల సమాచారం. కమల్ హాసన్ కొన్ని రోజుల
క్రితమే మణిరత్నంతో సినిమా చేయనున్నట్టు తెలిపాడు. మణి సినిమాకు ముందే హెచ్.
వినోద్ ప్రాజెక్టును కమల్ పూర్తి చేస్తాడని సమాచారం. గతంలో వినోద్ ‘వలీమై’ కు
దర్శకత్వం వహించాడు.