కార్తీ ‘జపాన్’ ఫస్ట్ లుక్ విడుదల

కార్తి కథానాయకుడిగా డ్రీమ్ వారియర్ పిక్చర్స్ నిర్మాణంలో తెరకెక్కుతోన్న
చిత్రం ‘జపాన్’. రాజు మురుగన్ దర్శకత్వం వహిస్తున్న ఈ చిత్రాన్ని ఎస్ఆర్
ప్రకాష్ బాబు, ఎస్ఆర్ ప్రభు నిర్మిస్తున్నారు. హీరో కార్తికి ఇది 25వ సినిమా.
రీసెంట్‌గా ఈ చిత్రాన్ని ప్రకటించారు. తాజాగా ఈ చిత్ర ఫస్ట్ లుక్‌ని మేకర్స్
విడుదల చేశారు. టైటిల్‌కి తగ్గట్టే ఫస్ట్ లుక్ చాలా క్రేజీ‌గా వుంది. ఈ ఫస్ట్
లుక్‌లో కార్తీ చేతిలో బాటిల్ పట్టుకొని, రెడ్ జంప్ సూట్ లో సోఫాలో
నిద్రపోతున్నట్లు కనిపించారు. కార్తి ఎదురుగా మందు గ్లాస్‌తో సేదతీరుతున్న ఓ
అమ్మాయిని కూడా ఈ పిక్‌లో గమనించవచ్చు. ఇక సోఫా వెనుక గోడపై పెద్ద గోల్డెన్
ఫ్రేమ్‌లో మరొక డిఫరెంట్ గెటప్‌లో కార్తీ కనిపిస్తున్నారు. బంగారు చొక్కా,
మెడలో గొలుసులను ధరించి, ఒక చేతిలో బంగారు తుపాకీని మరో చేతిలో గోల్డెన్
గ్లోబ్‌ని పట్టుకున్నట్లుగా కనిపించడం క్యూరియాసిటీని పెంచింది. ప్రస్తుతం ఈ
ఫస్ట్ లుక్ సోషల్ మీడియాలో వైరల్ అవుతోంది.