బాక్సాఫీస్‌ను డామినేట్ చేస్తున్న‌ బ్లాక్ పాంథర్ : వకండ ఫరెవర్

‘బ్లాక్ పాంథర్ 2- వాకండ ఫరెవర్’ సినిమా కలెక్షన్ల కారణంగా ప్రస్తుతం
మీడియాలో హల్ చ‌ల్ చేస్తోంది. మార్వెల్ స్టూడియోస్, మార్వెల్ సినిమాటిక్
యూనివర్స్ నిర్మించిన ‘బ్లాక్ పాంథర్ 2’ విడుదలై క‌లెక్ష‌న్ల వ‌ర్షం
కురిపిస్తోంది. నవంబర్ 11, 2022న విడుదలైన ఈ చిత్రం తొలిరోజు బాక్సాఫీస్ వద్ద
అనూహ్యంగా మంచి వసూళ్లను సాధించింది. రెండో రోజు కూడా సినిమా కలెక్షన్లు
బాగానే వచ్చాయి. ఇప్పుడు ఈ సినిమా మూడో రోజు బాక్సాఫీస్ కలెక్షన్లు కూడా
బ‌య‌ట‌కి వ‌చ్చాయి. ప్రారంభ వారాంతంలో నార్త్ అమెరికన్ థియేటర్‌లలో 180
మిలియన్ డాల‌ర్ల‌ను ఈ చిత్రం వసూలు చేసింది. అంతేకాకుండా ఆ దేశీయ అరంగేట్రం
అన్ని సమయాలలో 13వ ఉత్తమమైనదిగా నిలిచింది. అయితే ఈ చిత్రం ప్రపంచవ్యాప్తంగా
330 మిలియన్ డాల‌ర్ల‌ను వ‌సూలు చేసింది. ఇది హాలీవుడ్‌కు అక్టోబర్ తర్వాత
గణనీయమైన ప్రోత్సాహాన్ని అందించింది. ఫ్రాంచైజ్ ఎంటర్‌టైన్‌మెంట్ రీసెర్చ్
డేవిడ్ ఎ. గ్రాస్, “ఇది అద్భుతమైన ఓపెనింగ్” అని ప్రకటించారు. డిసెంబర్ వరకు
వకాండ బాక్సాఫీస్‌ను శాసిస్తుందని అద్భుతమైన సమీక్షలు, ప్రేక్షకుల రేటింగ్‌లు
సూచిస్తున్నాయి.