బాలీవుడ్ లోకి ఇర్ఫాన్ ఖాన్ కుమారుడి ఆరంగేట్రం.. – త‌న సినిమాలో తండ్రి ప్ర‌స్తావ‌న‌

దివంగత ఇర్ఫాన్ ఖాన్ తనయుడు బాబిల్ ఖాన్ కాలా సినిమాతో బాలీవుడ్ లోకి
అరంగేట్రం చేయబోతున్నాడు. ఈ చిత్రం డిసెంబర్ 1, 2022న నెట్‌ఫ్లిక్స్‌లో విడుదల
కానుంది. సినిమా ఓటీటీలో విడుదలకు ముందు, కాలా చిత్రనిర్మాత ఈ చిత్రం
అధికారిక ట్రైలర్‌ను విడుదల చేశారు. నవంబర్ 15న ముంబైలో గ్రాండ్ ట్రైలర్
లాంచ్ కార్యక్రమం జరిగింది. నిజానికి కొంతకాలం క్రితం, కాలా ట్రైలర్
యూట్యూబ్‌లో విడుదలైంది. ఈ ట్రైల‌ర్ కు ఇప్పటికీ మంచి స్పందన వస్తోంది.
ట్రైలర్‌లో ఓ యువ గాయకుడికి, అతని తల్లికి మధ్య ఉన్న సంబంధాన్ని వర్ణిస్తుంది.
ఇందులో కథలో ట్విస్ట్‌ని తీసుకొచ్చే బాబిల్ ఖాన్ పాత్ర ఉంటుంది. కాగా,
న్యూరోఎండోక్రైన్ ట్యూమర్‌తో రెండేళ్ల పోరాటం తర్వాత ఇర్ఫాన్ ఖాన్ 2020లో
కన్నుమూసిన విష‌యం తెలిసిందే.