సలామ్ వెంకీ ట్రైలర్‌, ఫస్ట్ లుక్ విడుదల..

రేవతి దర్శకత్వంలో కాజోల్ నటిస్తున్న చిత్రం ‘సలామ్ వెంకీ’. కథ మొత్తం
ప్రధానంగా ఆమె పాత్ర చుట్టూనే తిరుగుతుంది. అత్యంత కీలకమైన సవాళ్లను ఓ గృహిణి
ఎదుర్కొన్న తీరు నేపథ్యంలో ఈ కథ సాగుతుందని తెలుస్తోంది. తాజాగా ఈ సినిమా
టీజర్‌ విడుదలైంది. సినిమాకు ఫస్ట్ లుక్ పోస్టర్ ను కాజోల్ విడుదల చేశారు.
వీల్ చైర్ లో కూర్చొన్న ఓ మనిషిని తోసుకుంటూ నవ్వుతూ కనిపిస్తుంది కాజోల్. ‘ఓ
పెద్ద ప్రపంచంలో అంతకంటే పెద్ద వేడుకలు మొదలుకానున్నాయి’ అనే వ్యాఖ్యను కాజోల్
ఇన్ స్టాగ్రామ్ లో పోస్ట్ చేసింది. డిసెంబరు 9న ప్రేక్షకుల ముందుకు రానున్న ఈ
సినిమా ట్రైలర్ సోమవారం విడుదలైంది. ఈ చిత్రంలో బాలీవుడ్ సూపర్ స్టార్ అమీర్
ఖాన్ అతిధి పాత్రలో కనిపిస్తారు. ఈ ట్రైలర్ పై ‘చాలా బాగుంది…’ అంటూ అమీర్
తన ఇన్ స్టాలో అభిప్రాయాన్ని వ్యక్తం చేశారు.