భార‌తీయ సంస్కృతికి ఫిదా..! : ‘అవతార్’ నిర్మాత జోన్ లాండౌ

‘అవతార్’ చిత్రంలో పండోరా గ్రహాన్ని సృష్టించి, సరికొత్త ప్రకృతి అందాలను
తెరపై ఆవిష్కరించారు నిర్మాత జోన్ లాండౌ. ఆ చిత్రాన్ని ప్రపంచ సినీ అభిమానులు
మర్చిపోలేరు. ఇప్పుడా చిత్రానికి సీక్వెల్స్ రెడీ అయింది. డిసెంబర్ 16న
అవతార్-2 ప్రేక్షకుల ముందుకు రాబోతుంది. తాజాగా ఈ చిత్రం ట్రైలర్ విడుదలై
సోష‌ల్ మీడియాలో హ‌ల్‌చ‌ల్ చేస్తోంది. అవ‌తార్ చిత్ర నిర్మాత జోన్ లాండౌ
భార‌తీయ సంస్కృతికి ఫిదా అయ్యాడు. త‌న తదుపరి ప్రాజెక్ట్ అవతార్: ది వే ఆఫ్
వాటర్‌ను భారతదేశంలో ఆరు వేర్వేరు భాషలలో ప్ర‌ద‌ర్శ‌న ఇచ్చేందుకు ఆయ‌న
సంతోషంగా ఉన్నారట‌. ఈ విష‌యాల‌ను ఆయ‌నే స్వ‌యంగా త‌న ట్విట్ట‌ర్ ఖాతాలో
వెల్ల‌డించారు. అవతార్: ది వే ఆఫ్ వాటర్ ఇంగ్లీష్, హిందీ, తమిళం, తెలుగు,
మలయాళం, కన్నడ వెర్షన్లు డిసెంబర్ 16న భారతదేశంలో విడుదల చేస్తున్న‌ట్లు
వెల్ల‌డించారు. భార‌తీయ సంస్కృతి, సంప్ర‌దాయాలు త‌న‌కెంతో సంతోషాన్ని
ఇస్తున్నాయ‌ని ఆయ‌న అన్నారు.