తన పుట్టినరోజు సందర్భంగా బాలీవుడ్ బాద్ షా షారుఖ్ ఖాన్ చయ్య చయ్యకు.. డ్యాన్స్ చేసి తన అభిమానులతో సందడి చేశాడు. ముంబైలో అభిమానుల నడుమ తన జన్మదిన వేడుకలను బుధవారం ఆయన జరుపుకున్నాడు. కేక్ కట్ చేసి ఎంజాయ్ చేశాడు. షారుఖ్ తన అనుచరులతో పంచుకున్న సెల్ఫీలో ఇలా వ్యాఖ్యానించాడు, “సముద్రం ఒడ్డున జీవించడం చాలా మనోహరంగా ఉంది… నా పుట్టిన రోజు నన్ను చుట్టుముట్టే ప్రేమ సముద్రం… ధన్యవాదాలు. నన్ను చాలా ప్రత్యేకమైన, ఆనందంగా భావించినందుకు ధన్యవాదాలు.” అంటూ ఆనందాన్ని వక్తపరిచాడు. కింగ్ ఖాన్ 40 సంవత్సరాలకు పైగా కొన్ని మిలియన్ల హృదయాలను దోచుకున్నాడు. ప్రస్తుతం సిద్ధార్థ్ ఆనంద్ దర్శకత్వం వహించిన దీపికా పదుకొణె, జాన్ అబ్రహంల “పఠాన్”లో షారుఖ్ బిజీగా ఉన్నారు.
