తన మిస్ ఇండియా రోజులకు సంబంధించి ముంబైలో దిగిన ఓ ఫోటోను తన ఇన్‌స్టాగ్రామ్ ప్రొఫైల్‌లో నటి, మిస్ ఆసియా పసిఫిక్ దియా మీర్జా షేర్ చేసింది. ఈ ఫోటోలో ప్రియాంక చోప్రా, లారా దత్తా కూడా ఉన్నారు. ఫొటో షేర్ చేయడంతో పాటు “దియా మీర్జా 2000వ సంవత్సరానికి తిరిగి వెళ్లినట్లుంది…” అని రాసింది. ఈ పోస్ట్ పై “ముగ్గురు అమ్మాయిల హృదయం నిండా కలలు” అని లారా దత్తా వ్యాఖ్యానించారు. 2000వ సంత్సరంలో ప్రియాంక చోప్రా భారతదేశం నుంచి 5వ ప్రపంచ సుందరి విజేతగా నిలిచింది. 2000లో ఆమె తోటి మిస్ ఇండియా విజేతలు లారా దత్తా, దియా మీర్జా. ఆ సంవత్సరం చివర్లో ప్రియాంక మిస్ వరల్డ్ టైటిల్‌ను గెలుచుకోగా, లారా దత్తా మిస్ యూనివర్స్ కిరీటాన్ని, దియా మీర్జా మిస్ ఆసియా పసిఫిక్ టైటిల్‌ను గెలుచుకున్నారు ప్రియాంక చోప్రా, లారా దత్తా ఆ తర్వాత అందాజ్, డాన్ 2 వంటి చిత్రాలలో కలిసి నటించారు.
