మరోసారి ఆ దర్శకుడితో సినిమా చేయనున్న అల్లు అర్జున్..?

ఐకాన్ స్టార్ అల్లు అర్జున్ “పుష్ప” సినిమాతో తనలోని నట విశ్వరూపాన్ని
చూపించి జాతీయ అవార్డ్ సైతం సొంతం చేసుకున్నారు. ఎలాంటి పాత్రలోనైనా ఇట్టే
ఒదిగిపోయే బన్నీ, హీరోల్ని అభిమానులకు ఊర మాస్ పాత్రలో చూపించే బోయపాటి శ్రీను
కలయికలో సినిమా ఎలా ఉంటుందో చెప్పడానికి ‘సరైనోడు’ పెద్ద ఉదాహరణ. అల్లు అర్జు
న్ కథానాయకుడిగా బోయపాటి శ్రీను దర్శకత్వంలో రూపుదిదుకొన్న ఈ చిత్రం భారీ
కమర్షియల్ సినిమాగా ప్రేక్షకులను ఎంతగానో ఆకట్టుకుంది. ఇప్పుడు ఈ కాంబోలో మరో
సినిమా రాబోతున్నట్టు టాలీవుడ్ లో వినికిడి. ‘సరైనోడు’ తరువాత మళ్లీ కలిసి
పనిచేయాలని ఈ ఇద్దరూ అనుకొన్నా, బన్నీ బిజిగా ఉండటం వల్ల అది సాధ్యం కాలేదు.
త్వరలోనే ఈ కాంబోలో మరో సినిమా రాబోతున్నట్టు టాక్ వినిపిస్తోంది. ఇటీవల బన్నీ
– బోయపాటి మధ్య కథా చర్చలు జరిగాయని, బోయపాటి చెప్పిన కథ బన్నీకి నచ్చిందని
తెలుస్తోంది. ఈ చిత్రాన్ని గీతా ఆర్ట్స్ సంస్థ తెరకెక్కించే అవకాశాలు ఉన్నాయని
సమాచారం. బోయపాటి ప్రస్తుతం ‘స్కంద’ చిత్రంతో బిజీగా ఉన్నారు. ఈనెలాఖరున ఈ
చిత్రం విడుదల అవుతోంది. బన్నీ ‘పుష్ప 2’ పూర్తి చేయాలి. ఆ తరవాత త్రివిక్రమ్
సినిమా ఉంది. అట్లీ కూడా లైన్ లో ఉన్నాడు. మరి బోయపాటి సినిమా ఎప్పుడు
పట్టాలెక్కుతుందో చూడాలి.