బాలీవుడ్ నుండి పిలుపు..?

దక్షిణాదిలోని అగ్రకథానాయికల్లో ఒకరిగా గుర్తింపు పొందిన సాయిపల్లవి బాలీవుడ్
ఎంట్రీ గురించి ఎప్పటికప్పుడు కొత్త వార్తలు తెరపైకి వస్తూనే ఉన్నాయి. ఈ
కోవలోనే తాజాగా మరోసారి సాయిపల్లవి బాలీవుడ్ ఎంట్రీ బీ టౌన్ చర్చనీయాంశమైంది.
ఆమిర్ ఖాన్ తనయుడు జునైద్ ఖాన్ ఇటీవల ఓ ప్రేమకథకు గ్రీన్ సిగ్నల్ ఇచ్చారని, ఈ
చిత్రం లోనే సాయిపల్లవి హీరోయిన్ గా నటించనున్నారనే టాక్ హిందీ పరిశ్రమలో
ప్రచారంలోకి వచ్చింది. ఆమిర్ సన్నిహితుల్లో ఒకరైన సునీల్ పాండే దర్శకత్వం
వహిస్తారని, ఈ ఏడాది చివర్లోనే ఈ సినిమా సెట్సైపైకి వెళ్లనుందని వివరాలు
వినికిడి. ఇక ఈ చిత్రంలో సాయిపల్లవి హీరోయిన్ గా నటిస్తే, హిందీలో ఆమెకు తొలి
చిత్రం అవుతుంది. మరి సాయిపల్లవి కి బాలీవుడ్ నుండి పిలుపు అందిందా లేదా అనేది
తెలియాలంటే కొన్నాళ్లు వేచి చూడాల్సిందే.