ఆ సినిమా కోసం ఎంతగానో ఎదురుచూస్తున్న: రకుల్

‘కొండపొలం’ సినిమా తర్వాత రకుల్ ప్రీత్ సింగ్ మరే ఇతర తెలుగు సినిమా లోనూ
కనిపించలేదు. నిజం చెప్పాలంటే తెలుగులో ఆమె స్పీడ్ తగ్గిందనే చెప్పాలి.
తమిళంలో మాత్రం రెండు సినిమాలు చేస్తున్నది. అందులో ఒకటి శంకర్, కమల్ కాంబో
వస్తున్న ‘ఇండియన్2’ కాగా, రెండోది శివకార్తికేయన్ హీరోగా ఆర్.రవికుమార్
దర్శకత్వంలో రూపొందుతున్న సైన్స్ ఫిక్షన్ కామెడీ మూవీ ‘ఆయలాన్’, ‘ఇండియన్-2’లో
రకుల్ పాత్ర పరిధి ఏ మేరకు ఉంటుందో చెప్పలేంకానీ, ‘అయలాన్’లో మాత్రం రకుల్
ప్రీత్ సింగ్ కథానాయికగా నటిస్తోంది. శివకార్తికేయన్ సినిమాల్లో కథానాయిక
పాత్రకు ప్రాధాన్యత ఉంటుంది. సినిమా మినిమమ్ గ్యారంటీ. ‘అయలాన్’ పుణ్యమా అని
తమిళనాట రకుల్ నీ అందరూ లక్కీయస్ట్ హీరోయిన్ అంటున్నారు. దీంతో రకుల్
ఆనందానికి అవధులు లేకుండా పోయింది. శివకార్తికేయ తో సినిమా చేయాలనేది నా
డ్రీమ్. నా కల నెరవేరింది. పైగా ఇది అన్ని సినిమాల్లాంటి సినిమా కాదు. వెరైటీ
సినిమా. ఇందులో నా పాత్ర కథలో కీలకం. ‘అయలాన్’ విడుదల కోసం ఎదురుచూస్తున్నాను.
అంటూ ఆనందం వ్యక్తం చేశారు ఈ సుందరి.