యాక్షన్ థ్రిల్లర్ గా “ది రోడ్”

కెరీర్ ప్రారంభించి రెండు దశాబ్దాలు దాటుతున్నా ఇప్పటికీ బిజీ హీరోయిన్ గా
దూసుకెళుతోంది త్రిష. ప్రస్తుతం ఈ ముద్దుగుమ్మ చేతిలో నాలుగు క్రేజీ
ప్రాజెక్టులు ఉన్నాయి. ఓవైపు విజయ్, అజిత్ లాంటి స్టార్స్ కి జంటగా నటిస్తూనే
మరోవైపు లేడీ ఓరియంటెడ్ సినిమాలు చేస్తోంది. అందులో ‘ది రోడ్’ కూడా ఒకటి.
రివెంజ్ ఇన్ 462 కిలోమీటర్స్ అనేది ట్యాగ్ లైన్. అరుణ్ వసిగరణ్ దీనికి
దర్శకుడు. ఈ సినిమానీ అక్టోబర్ 6న విడుదల చేయనున్నట్టు ప్రకటించారు.
తమిళనాడులోని నేషనల్ హైవేలపై జరిగిన కొన్ని రియల్ ఇన్సిడెంట్స్ ఆధారంగా ఈ
చిత్రాన్ని తెరకెక్కించినట్టు తెలుస్తోంది. ఇప్పటికే విడుదలైన ఫస్ట్ లుక్,
మేకింగ్ విజువల్స్ ఆకట్టుకున్నాయి. ఈ యాక్షన్ థ్రిల్లర్ లో షబీర్, సంతోష్
ప్రతాప్, మియా జార్జ్ తదితరులు ముఖ్యపాత్రలు పోషిస్తున్నారు.