బన్నీ కోసం కథ సిద్దం చేసిన అట్లీ..?

అట్లీ దర్శకత్వం వహించిన ‘జవాన్’ సినిమా సెప్టెంబర్ 7న విడుదల అవుతున్న విషయం
తెలిసిందే. షారుఖ్ ఖాన్ హీరోగా నటించిన ఈ సినిమాలో నయనతార, విజయ్ సేతుపతి
తదితరలు నటిస్తున్నారు. ‘జవాన్’ చిత్రం పై ఇప్పటికే భారీ అంచనాలు ఏర్పడ్డాయి.
ఇదిలావుంటే.. దర్శకుడు అట్లీ తర్వాతి ప్రాజెక్ట్ విషయంలో ఆసక్తికరమైన వార్త
ఒకటి బయటకి వచ్చింది. అల్లు అర్జున్ కోసం ఆయన ఓ కథ తయారు చేసుకున్నారట. త్వరలో
బన్నీకి ఆ కథ వినిపించాలని ప్రయత్నాలు చేస్తున్నరట అట్లీ. నిజానికి
‘జవాన్’లోనే బన్నీ నటిస్తున్నట్లు అప్పట్లో వార్తలొచ్చాయి. కానీ అందులో నిజం
లేదని తేలిపోయింది. ఇప్పుడు అట్లీ చేయబోయే తర్వాతి పాన్ ఇండియా ప్రాజెక్ట్ కి
బన్నీనే కథానాయకుడు కావచ్చనేది సినీ వర్గాలలో వినికిడి. ప్రస్తుతానికి బన్నీ
‘పుష్ప2’తో, అట్లీ ‘జవాన్’ ప్రమోషన్ లో బిజీగా ఉన్నారు. వీరిద్దరి కాంబినేషన్
నిజంగా సినిమా ఖరారైతే బన్నీ అభిమానులకు పండగనే చెప్పాలి.