తమిళ చిత్రసీమలో అడుగుపెట్టనున్న అమిర్ ఖాన్..?

బాలీవుడ్ స్టార్లు దక్షిణాది సినిమాల్లో మెరవడం ఈ మధ్యకాలంలో ఎక్కువగా
జరుగుతుంది. రజనీకాంత్ ‘జైలర్ ‘లో జాకీ ప్రాఫ్, విజయ్ ‘లియో’లో సంజయ్ దత్
ప్రధాన పాత్రల్లో కనిపించారు. ఎన్టీఆర్ ‘దేవర’ లోనూ సైఫ్ అలీ ఖాన్
ప్రతినాయకుడిగా నటిస్తున్న సంగతి తెలిసిందే. అదేబాటలో బాలీవుడ్ అగ్ర
కథానాయకుడు అమిర్ ఖాన్ కూడా తమిళ చిత్రసీమలో అడుగు పెట్టనున్నట్లు సమాచారం.
ఏజీ ఎస్ ప్రొడక్షన్స్ నిర్మించనున్న ‘దళపతి 68’ చిత్రంలో అమిర్ ఖాన్ భాగం
కానున్నట్టు సన్నిహితవర్గాలు తెలిపాయి. విజయ్ హీరోగా వెంకట్ ప్రభు దర్శకత్వంలో
ఈ సినిమా రాబోతుంది. మోహన్రాజా దర్శకత్వంలో జయం రవి నటించనున్న ‘తని ఒరువన్ 2’
లోనూ ఆమిర్ ఓ కీలక పాత్ర పోషించనున్నట్టు తెలుస్తోంది. ఏజీఎస్ ప్రొడక్షన్స్
సంస్థకు చెందిన ఐశ్వర్య ఇటీవల ఆమిర్ ఖాన్ ని కలిశారు. సమావేశం అనంతరం ఆయనతో
కలిసి దిగిన ఫొటోని సామాజిక మాధ్యమాల్లో పంచుకోవడంతో.. ఆమిర్ అని దక్షిణాది
రాక ఖాయమనే వార్తలకు బలం చేకూరింది. ఇదేగనక నిజమైతే.. ఆ సినిమాలపై భారీ
అంచనాలు ఏర్పడడం ఖాయం.