ఆయనతో కలిసి మరోసారి నటించాలని ఉంది: శ్రీ లీలా

ఇటీవల విడుదలైన బాలకృష్ణ ‘భగవంత్ కేసరి’ సినిమా తొలి పాటలో బాబాయ్, కూతుళ్లుగా
బాలకృష్ణ, శ్రీలీలా చేసిన హంగామా మామూలుగా లేదు. అభిమానులు కూడా ఆ పాటలో
బాలకృష్ణ లుక్ కి శ్రీలీల డాన్స్ కి ఫిదా అయిపోతున్నారు. ఇటీవల ఓ సందర్భంలో
‘భగవంత్ కేసరి’ విశేషాలను, బాలకృష్ణతో తన అనుభవాలను పంచుకున్నారు శ్రీలీల,
నటులకు బాలకృష్ణ ఇచ్చే గౌరవం చూసి ఫిదా అయిపోయానని శ్రీలీల అన్నారు. “బాలకృష్ణ
సార్ బయట వేరు, కెమెరాముందుకొస్తే వేరు. ఒక్కసారి పాత్రలోకి ఎంటరయ్యారంటే ఆయన
భగవంత్ కేసరే.. బాలకృష్ణ కాదు. అంతగా పాత్రలో లీనమవుతారు. ఇందులో పాత్రల
గురించి రివీల్ చేయడం నాకిష్టంలేదు. అయితే.. ఈ సినిమా చేస్తున్నంతసేపు ఆయన
నాకు సొంత బాబాయ్ లాగే అనిపించారు. ఆయనకూడా లోకేషన్ లో నన్ను అలాగే
చూసుకున్నారు మరో అవకాశం వస్తే మా బాలయ్య సార్ తో కలిసి తప్పకుండా నటిస్తాను
అంటూ చెప్పుకొచ్చింది ఈ భామ.