పవన్ అభిమానులకు మరో శుభవార్త..!

కథానాయకుడు పవన్ కల్యాణ్ వరుస సినిమాలతో జోరు చూపిస్తున్నారు. ప్రస్తుతం ఆయన
సుజిత్ తో ‘ఓజి’, హరీశ్ శంకర్ తో ‘ఉస్తాద్ భగత్ సింగ్, క్రిష్ తో ‘హరి హర
వీరమల్లు’ చిత్రాలలో నటిస్తున్నారు. ఇప్పుడీ జాబితాలో మరో చిత్రం వచ్చి
చేరింది. పవన్ కళ్యాణ్ హీరోగా సురేందర్ రెడ్డి దర్శకత్వంలో ఓ సినిమా
రానున్నట్లు గతంలో ప్రకటించిన సంగతి తెలిసిందే. రామ్ తాళ్లూరి నిర్మించనున్న ఈ
ప్రాజెక్ట్ ఇప్పుడు పట్టాలెక్కేందుకు సిద్ధమైంది. ఇప్పటికే ఈ చిత్రానికి
సంబంధించిన స్క్రిప్ట్ పనులు జరుగుతుండగా తాజాగా పూజా కార్యక్రమాలతో పూర్వ
నిర్మాణ పనుల్ని ప్రారంభించారు. ఈ సినిమాకి వక్కంతం వంశీ కథ అందిస్తున్నారు.
ఇక పవన్ పుట్టినరోజు సందర్భంగా శనివారం ‘ఓజి’, ‘ఉస్తాద్ భగత్ సింగ్, హరిహర
వీరమల్లు’ చిత్రాల నుంచి ప్రచార చిత్రాలు విడుదల కానున్నాయి.